Möntruspil - Villt dýr

4.890 kr
Sæki umsögn...
  • Möntruspil - Villt dýr

Möntruspil - Villt dýr

4.890 kr
Sæki umsögn...

Þessi fallegu möntruspil eru með 28 jákvæðum staðhæfingum, sem stuðla að því að efla, hvetja og styrkja á hverjum degi.

Spilin eru fyrir alla aldurshópa og með spilunum fylgir VISS viðarkubbur til þess að láta spil dagsins standa í. Kubbarnir eru að mestu handunnir og engir tveir eru því nákvæmlega eins.

VISS er vinnu- og hæfingarmiðstöð fyrir fólk með skerta starfsgetu og er starfrækt á Selfossi. Við erum mjög þakklátar fyrir þeirra vinnu við að framleiða kubbana undir spilin okkar.

Fiðrildaspilin, Villtu dýraspilin og Klassískuspilin eru öll með sömu möntrunum.

Nokkrar leiðir til að nota spilin:

Að fara með möntrur:

Skoðaðu spilin hvert fyrir sig og finndu spil sem virkilega kallar á þig og þú tengir við. Settu það spil í viðarstandinn og láttu það minna þig á að fara með staðhæfinguna á hverjum degi í nokkra daga. Finndu þér svo nýtt spil þegar þú vilt. Að fara með staðhæfingar 3-5 sinnum í röð fyrir framan spegil styrkir þig og sjálfstraust þitt og þú ferð út í daginn með jákvæðar hugsanir.

Að draga eitt spil á dag:

Dragðu djúpt andann og leggðu spilin upp að hjartanu á meðan. Stokkaðu spilin og settu þau á borðið þannig hægt sé að draga úr þeim. Dragðu að lokum eitt spil úr bunkanum, það spil sem kallar mest á þig á þeirri stundu. Lestu staðhæfinguna nokkrum sinnum og finndu þína tengingu við hana. Settu spilið í standinn til að minna þig á staðhæfinguna yfir daginn þinn.

Að spyrja spilin spurningu:

Dragðu djúpt andann og leggðu spilin upp að hjartanu á meðan. Stokkaðu spilin með spurninguna í huga sem þig langar að vita svarið við. Dragðu að lokum eitt spil úr bunkanum, það spil sem kallar mest á þig á þeirri stundu. Lestu spilið með opnum huga.

Lítil fjölskyldufyrirtæki

Við bjóðum vörur frá litlum fyrirtækjum sem framleiða vörur sínar af hugsjón

Vistvænni lífstíll

Allar vörur hjá Mena eru þróaðar með umhverfið í öndvegi

Bestu vörurnar

Hér eru aðeins vörur sem við höfum sjálf prófað og getum mælt með af heilum hug